Walang rason para hindi ako maging masaya ngayong buwan ng Pebrero.

Unang araw pa lang nito, rakenrol na. Ilang buwan na rin ang nakakalipas nung nagka typhoid fever ako dahil sa hilig kong kumain ng street food. At dahil dun, di ako pwede kumain ng kahit na anong uri ng ganong pagkaen kase mataas ang possibility na bumalik yun.

Pero kanina pag gising ko, ang unang nasa isip ko ay kwek-kwek. Nakapag desisyon na ko. Pagkatapos ng klase namen, kasama si Meyn, Jam, at Ren.. dumiretso kame sa Asturias- and street food capital sa Dapitan dahil lahat ng klase andun. Mula fishballs hanggang mangga meron don. 

Bago ko kainen yung binile kong kwek-kwek, pinag pray over muna ko ng mga butihin kong kaibigan. :D Bago nguyain ang unang kwek-kwek na sinubo ko, tumingen ako sa taas at sinabeng, “Papa Jesus, ikaw na po ang bahala saken.” :))

Di pa nakuntento, pumunta sa ihawan stall. Bumile ng isaw ng baboy at manok, betamax, at tenga. At para sa inumin, Milk tea with tapioca FTW! :D

Kwentuhan habang naglalakad papuntang dorm. Salampak sa sahig pagdating. Busog at halos lahat kame ay napupupu. Dampot sa iPad. Bawat application, sinubukan. Ang saya lang. Mula sa mga kung ano anong laro hanggang sa mga trivia ekek pinatos namen. 

Ang biles ng oras. Alas otso na pala. Kahit ayaw pa umuwe, pack up na. Kitakits na lang ulit bukas. At sa mga susunod na unang araw ng kahit na anong buwan.

Walang rason para hindi ako maging masaya ngayong buwan ng Pebrero. Lalo na kung unang araw pa lang nito, kasama ko ang ilan sa mga pinakamahalagang tao sa buhay ko. ♥